Christina Battle ado The Hex is On ado ayaan zegendaagwog temigag gewe gaawii negidendiziwaad newen gichi binaachigewinan bemaadizijig maziwe kamig nekweshkamowaad miinwaa agaa maajiigwaad niibna shi midaaswaag biboon. Giisaadkamig, ninda maji doodamowinan aabajisenoon bimaadiziiying owi maziwe kamig gichi aakoziwin owi 90 dibagaans apiinish aabtaadibikag owi ekwaasemigag bimaadiziwin dibagiiswaan miinwaa owi yaababji temigag makowaataagoziwin owi ezhiwebak kiing nbwegsemigag owi oshkwaakimigaag. Aanodiziwin, maneziwin nendamowin miinwaa gechi gachitwaazijig goweta dowendamoog awii “zhiwenjigewin” giishpin debinamwaad mazinigan awii nikaaziwaad ogimaa dibagewin nondaaj awii aawong gewe bemaadizijig e’zhitojig ninda ezhiwebag miinwaa wiiji yaawaad gewe e’zhitojig ezhiwebak kiing awii nibwegsemigag aawinon goweta aanin newen mamazhinigewin ayaawong owi nongo bimaadiziwin.
Zhiwe The Hex is On Miigaadiwin zhitomigad nigika gifs gidiskin newen anji-biiganan maage ginowaabmdiziwin, nda gikenjigaadeg miinwaa zhichigaadeg owi naasaab giizhigag. Owi aanikebiigan agii maajitaamigad aawong nakwetamowin newen dibaajimowinan miinwaa waabmdowemigag Battle ado oshki nakwetamowin miinwaa enendamowaad. Ensa bezhig gif waabmdowemigad gagwejitoong nikiiyaa awii nanaagidowenjigaademigag newen aabajibideg gichi niibna owi gwiinwinendaagwog e’digosing maagwewaad wiindamaagewin mezinaatesidowaad.
Boochigo ensa bezhig gif eshichigaadeg zhiwe memdage inaadiziwin ayaawong newen bebezhig zhibiiganan, aawinon waabimowinan nowonj enaandegin apii genwaabmjigaadeg gabe piichaag. Izhayaa-aan neniish gwa ekwaasesinag epiichaag miinwaa dibishko bkaan aawiyaan newen gaawii ekwaasesinag wiindamaagewinan baamskobidegin. Ndo gichi inendaan nendaagidoon agii bimaasinon ngoji zaagijiwiing owi woshme zhaabaa-aasing owi ensa nigoding owi ensa ngoding gif agii zhichgaademigad biinjiwiing, owi gikendamowin owi e’gwiinwinendaagwog zhiwe gagwech wiindamaagewinan miinwaa bakesidonan onji wiijiindiwin-dibaakinigewin miinwaa ondaadiziwin gegeti ezhiwebak owi ezhitomigag newen ezhiwebak awii aabajisemigag. Ngii nakwetaana newen gifs memdage apii owi megwaa ezhibak zhiwe Alberta epiichi temigag maziwe kamig aakoziwin apii 2022.
(Miin-giizis 8, 2015: Owi minwendamowin ajina owi agii nigaasemigag odaawewinan onji waasamo biiwaabik bimaazhiiwin. Owi NFL Washington Redskins gikinwaajibiigan onji baamigad gagwedwewin…kina bemaadizijig.)
Waabishkaandeg gikinowaabminaagwod owi zhooshkonaagwog nibaag miishkoons, weweni zhichigaademigag miinwaa gaawii gego bigojiginan – egaaching ekwaa’iiwong newen bigojiginan miinwaa ado gichi niibna dnowaa e’nowendaagwog.
Aanowi gwa agaaching dash ayaa-aabi gaawii nisidiwinaagisinag gewe bemaadizijig aawong gikinwaajichigan owi gichi gimaa dibenjigewin miinwaa oshki daapinigewin.
Miin-giizis 30, 2014: Nibokamigag odi Gaza piitaamigad 1,346, geyaabi 56 Israeli zhimaaginishag miinwaa 3 bemaadizijig agii nisigaaziwaad.
Maanda gif daapinaan aankesing edamomigag apii ginowaabmjigaademigag onji owi (#) Maziwe kamig aakoziwin miishkinesing Kiing. Nebojig minik giikibidemigad. Maampii ezhinikaademigag Alberta, oshpendizad Jason Kenney aabaji gimaawi owi nibowin, wiiji waajikiwemaad miinwaa noopinowejig nikaaziwaad owi gimaawin onji owi bagidinamiwaad wiinwaa endodamowaad miinwaa odindiwiniwaa. Bemaadizijig dibishko niin miinwaa ndo inodewiziwin, eyaamijig niibna aakoziwinan, ado yaawaan agitiziiminaanig agaa zhaabishkamiwaad gagwaansagag gichi aakoziwinan-niin agitiziimag gaawaanh agii zhaabaskaanaa-aa miniiwaapinewin odi Haida Gwaii. Niibna gewe bwaanwizijig ayaa-aabi onjikewiziwog, ayaabi minezinaa-aa bemaadizid minwenjigewin; neniish gwa nenjigaaziwog, miinwaa waabmjigaaziwog aawiwaad gewe “nendowendamajig woshme awii aangwaamiziwaad.” Maanda owi nebodewendaagwog aki moshkinemigag nibowin, binaajichigewin, miinwaa owi gibwanaamiwin banaadendamowin abi onjibaamigag owi dibenjigewin aabaji majiginigewin newen gimaawinan gaawii agaa gashkitoswaad ado ginowenimigowin newen Giizhaa Agaa Yaajig ado kiimiwaan.
Naabidin-giizis 13, 2014: Ekwa nigo giizhigag, owi baashkide zhiwe East Harlim agii miigwemigad bimide ziigisemigag agaa onjibaamigag owi banaajichigewin niish wiigwaaman, miinwaa age ayaa-aabi dnowaa binaajichigewin. Owi niningikamigiseg owi epiitaag 6.3 agii temigad besha Kyushu Island, Japan.
Gaawii ngashktosiin awii ginowendiziyaan owi nikiiyaa nendowendaagwog zaam zhaazhigwa gichi gnesh aawon-zaam gnesh gwayaa awii bwaa ayaang bemaadizinjin wiijiiwaad, zaam gnesh awii zegizing. Apii owi zegiziwin agii maajitaamigag, gichi gnesh jibwaa temigag owi maziwe kamig aakoziwin, ngii mikowaamigwon owi n’wiiyaw woshme gichi piitendaagwod apiish dibenjigewin miinwaa owi bejiing gaawii aawizino niinwaadizing, aawon babaamendamowin. Eshkam ombishkaamigad gazhide, owi maamaagonigewin temigad, miinwaa niibna bemaadizijig zaam fucking gagwaashkowendamog gego awii nda zhichigewaad owi onji. Zaam fucked bibaamenjigaasiiwog newen gego epiitenjigesiwaad zhichigewinan gaawii wiika agaa nendaagozisiiwog awii nagidowenimaawaad bemaadizinjin manji gwa ezhi gaabiwaad. Baamenjigaaziiwog gewe gechi zhoonyaaamijig awii debwewendamowaad owi woshme oshpi gaabiwiwaad. Zhoonyaa ≠ Gikendaasad.
Giizhaa Agaa Yaajig Bemaadizijig kina ngoji yaawog, ensa bezhig aki; aanin agii gagaandinaawog awii nendamowaad owi ishpendaagwodanig agaa abi onjibaawaad miinwaa owi mashkoziiwiniwaan awii maji doodamowaad dibenjigaaziwaad zhiwe ado binaamidiiwiniwaa. Wegnesh gwaya age zhichigepaa owi nakeweshkamiwaad aanodiziwin miinwaa zhiingenjigewin? Nisidizang binaajichigewin. Aaniish gwyaa age zhichigepa apii owi naabiineyaag gewe e’giigidajig debwewin miinwaa gewe eyaamjig mashkowiziiwin aapaji michaamigag nendaagwog dibishko gaawii gwayaa bazindizii maage gaawii gdo getanaamtaagosii deminig awii aandendamowaad?
Waababagaa-giizis 4, 2014: Zhaabwiichigejig aabajitaawog awii dowaabmaa-aad agaa zhaabwiijig zhiwe East Harlen, 8 nibowog, 70 wiisgishinog. West Africa gichi aakoziwin moogsemigad; World Health Organization kidwog agaa nibojig zhiwe West Africa woshme aawon 1,900.
Epiichi niinimiziyaan agaa zhayaa-aan owi ekwa midaaswi biboon miinwaa woshme, niibna niinwi zhaabwiiwog miinwaa ndo majiginidizami miinwaa odenwinan owi zhiwendamowin miinwaa dabaadendamowin, n’wiindamaadizamin zaam onji ngii gikendaanaa ndo bigosendamowinaa owi niigaan gichi piitendaagidon. Fuck aabaji nakiing. Ndo dowendaan awi nibaa-aan. Fuck jaanimibiziyaan owi gaawii gego yaawizinag dash goweta woshme jaaminibizang miinwaa gichi ekoziwin. Fuck nakiing naanon giizhigag ensa nigo name-giizhigag. Gdo nakiimi miinwaa Aki biinish nibowin, dash wiigwa Aki ada aanji bimaadiziimigad gaawiin giinwi. Gnimaa age gaawii ada maji aawizino. Ayaa-aabi gaawii aawizino majiwii. Ayaa-aabii majiginamang gaawii aga fuck maanda zhisewin, aanowi gwa zinagad awii ginowaabmdamang awii waabmdamang zhaazhigwa agaa zhiwebak owi ayaabajibidek megwaa binaajichigewin.
…
Binaakwe-giizis 6, 2020
Apii Mkwa-giizi 13, 2022, apii owi zhaagnashag mayaamiwi naagaandesiwaad gichi daabaanag maamowi bimibizowaad zhiwe ezhi nikaadeg Gaanada aabajisemigad. Ndo gagwejimigwo ndo miskwi minik anishinaabewin owa mamatla.
Aapajigwo ndo ekwas. Gaawii maanda aawizinon gagweck, miinwaa owi gegete gagwek gaawii wiikaa miinwaa ada dapinigaadesino. Kina gwa gwayaa dibendaan awii sidawendang aanwi gwa giispin digoog aabaji digoshinowaad miinwaa gajitoowaad awii gwanjibigowing enigokaaying -ayaabi gdo ayaamin miinwa gibimaadizimi.
Christina Battle aawi mezinibiiged eyaad odi amiskwacîwâskahikan (Edmonton), biinji owi Aspen Parkland, owi aanjinaagwog aki zhiwe mashkode miinwaa mitigwaaki nakweshdaadiwaad. Owi enankiid aawinani owi gichi nanaagdowendam owi gichi binaajichigewin: ado maanzhi-aawong, miinwaa newen mamazinaagikin e’dikobidegin biinjiwiing.
Mercedes Webb/ma̱lidi/məlidi (gewe/owa) aawi ezhibiiged, mazinibiiganan gete dibaajimad, dinaangidon, miinwaa mezinibiiged owi ado onjibaad digosinon Haida (Kunn janaas), Kwakwaka’wakw (Mama̱liliḵa̱la), Ojibwe (Fort Williams Anishinaabek), Italian miinwaa Welsh adaad aawid waakomind zhiwe Mohkinstsis/Wincheesh-pah/Kootsisáw odi Treaty 7 Aki. Agii miinigaaza owi 2019 Canadian Art Writing Prize miinwaa majignaan BA owi Art History and Communications owi Distinction onji University of Calgary. Newen gmaaminig biiboon aga bimisegin ado gikendamowiniwaa bezhig owi iniwewin, Kwakwala, e’waabmjigaadeg kina ado nakiiwiniwaa. Ado nakiiwiniwaa onjibaamigad owi gazhewaadiziwin miinwaa wiiji nakiindiwin, memdage wiinwaa miinwaa maamowi mina yaawin. Naanaagwiwiing owi ado nankiiwiniwaa aawon aabaji gikendamang gaawii gimaakidaagewin, azhide dibenjigewin, azhide nigonaagiziigowin miinwaa azhide gashkitoong nikiiyaa bimaadiziwin.